80/20: உங்கள் வாழ்க்கையை மாற்றும் இரகசியம் – சிறிய முயற்சியில் பெரிய பலன்கள் கிடைக்கும்

குறைவாக வேலை செய்து அதிகம் சாதிக்க நீங்கள் எப்போதாவது கனவு கண்டிருக்கிறீர்களா? அது ஒரு தொலைதூரக் கனவு போலத் தோன்றுகிறதா? ஆனால், இதைச் சாத்தியமாக்கும் ஒரு கோட்பாடு உள்ளது என்று நான் உங்களுக்குக் கூறினால், நம்புவீர்களா? பரேட்டோ கோட்பாடு (Pareto Principle), அல்லது 80/20 விதி என்று அறியப்படும் இந்த அற்புதமான கொள்கை உங்கள் வேலை வாழ்க்கையை மட்டுமல்ல, உங்கள் முழு வாழ்க்கையையும் புரட்சிகரமாக மாற்ற முடியும். இந்தக் கொள்கையின் சக்தியை அறியவிரும்பினால் தொடர்ந்து படியுங்கள்.

பரேட்டோ கோட்பாட்டின் பிறப்பிடமான பொருளாதாரத்தில் தொடங்குவோம். 19ஆம் நூற்றாண்டில், இத்தாலியப் பொருளியலாளர் வில்ஃபிரெடோ பரேட்டோ கிட்டத்தட்ட 80மூ இத்தாலியச் செல்வம் 20மூ மக்களின் கைகளில் இருந்தது என்பதைக் கண்டுபிடித்தார். ஆச்சரியமாக, இந்த விநியோகம் பல துறைகளிலும் பொருந்துகிறது: பல நிறுவனங்கள் கண்டுபிடித்தது என்னவென்றால் அவர்களின் 80மூ லாபம் சுமார் 20மூ வாடிக்கையாளர்களிடமிருந்து வருகிறது என்று. குறைவாக லாபம் தரும் 80மூ வாடிக்கையாளர்கள் மீது நேரம் மற்றும் பணத்தை வீணடிக்காமல், இந்த முக்கிய வாடிக்கையாளர்கள் மீது உங்கள் முயற்சிகளைக் குவிப்பது என்பது அதிக லாபத்தை அளிக்கும்!

தோட்டக்கலையிலும் பரேட்டோ கோட்பாடு பொருந்துகிறது. பல தோட்டக்காரர்கள் கவனிப்பது என்னவென்றால் அவர்களின் அறுவடையின் 80மூ வெறும் 20மூ தாவர இனங்களிலிருந்து வருகிறது என்று.

நமது தனிப்பட்ட மற்றும் தொழில் வாழ்க்கையில், நாம் செய்யவேண்டிய வேலைகளுக்கு அளவே இல்லாத போல் ஒரு பெரும் பட்டியலை உருவாக்கி வைத்திருப்போம். ஆனால், இந்தப் பணிகளில் வெறும் 20மூ மட்டுமே உங்கள் 80மூ வெற்றிக்குப் பங்களிக்கின்றன என்று நான் உங்களுக்குக் கூறினால் நம்புவீர்களா? இந்த முக்கிய பணிகளில் உங்கள் ஆர்வத்தைக் குவிப்பதன் மூலமும், மற்றவற்றை ஒதுக்கிவிடுவதன் மூலமும் அல்லது கவனிப்பதில்லை என்று கருதுவதன் மூலமும் நீங்கள் உங்கள் உற்பத்தித்திறனையும் திருப்தியையும் அதிகரிக்க முடியும்.

சமூக உறவுகளில் கூட பரேட்டோ கோட்பாடு தெரிகிறது. நமது வாழ்க்கையில் 20மூ மக்கள் மட்டுமே நமக்கு 80மூ மகிழ்ச்சியையும் ஆதரவையும் வழங்குகின்றனர். இந்த உறவுகளில் நமது நேரத்தையும் சக்தியையும் முதலீடு செய்வதன் மூலம், நாம் மேலும் ஆழமான மற்றும் திருப்திகரமான தொடர்புகளை உருவாக்க முடியும். நீங்கள் எத்தனை நண்பர்களைக் கொண்டிருக்கிறீர்கள் என்பது முக்கியமல்ல, அவை எவ்வளவு அர்த்தமுள்ளவை என்பதே முக்கியம்.

உடல்நலத்துறையிலும் பரேட்டோ கோட்பாடு அதிசயங்களைச் செய்ய முடியும். பலரின் உடல்நல மேம்பாடுகளின் 80மூ வெறும் 20மூ உடற்பயிற்சிகளிலிருந்து வருகிறது. இந்தத் திறனான உடற்பயிற்சிகளில் ஆர்வத்தைக் கொள்வதன் மூலம், அவர்கள் குறைந்த நேரத்தில் சிறந்த உடல்நலத்தை அடைகின்றனர். உடற்பயிற்சிக்கு நேரமில்லை என்று நினைக்கும் ஒவ்வொருவருக்கும் இது இசையாக இருக்கும்!

பரேட்டோ கோட்பாடு வெறும் ஒரு விதி மட்டுமல்ல, அது ஒரு வாழ்க்கை கொள்கை. அது நமது முயற்சிகளை முக்கியமானதில் குவிப்பதைக் கற்றுத்தருகிறது. நீங்கள் ஒரு நிறுவனத்தை நடத்துவதாகவோ, உங்கள் தோட்டத்தைப் பராமரிப்பதாகவோ,உங்கள் உற்பத்தித்திறனை அதிகரிப்பதாகவோ,ஆழமான சமூக தொடர்புகளை உருவாக்கு வதாகவோ,அல்லது உடல் நலத்தை மேம்படுத்துவதாகவோ இருந்தால் – 80ஃ20 விதி உங்களுக்கு வழிகாட்ட முடியும்.

உங்கள் குடும்பத்துடன் அதிக நேரம் செலவிடுவது, உங்கள் ஆசைகளைப் பின்தொடர்வது, மற்றும் உங்கள் வாழ்க்கையின் அனைத்துப் பகுதிகளிலும் அதிக வெற்றியை அடைவதற்கு பரேட்டோ கோட்பாடு உதவுகிறது. இந்த சக்திவாய்ந்த கருவியைப் பயன்படுத்தி, அது உங்கள் வாழ்க்கையை எவ்வாறு சிறப்பாக மாற்றும் என்பதைக் காண நேரம் இது. மாற்றத்திற்கு நீங்கள் தயாரா? அப்படியென்றால், இன்று முதல் பரேட்டோ கோட்பாடு உங்கள் வழிகாட்டியாக இருக்கட்டும்!

177 total views, 6 views today